Edda

Fimmtudagskvöldið kom mér í opna skjöldu! Ég var búin að koma mér vel fyrir uppi í rúmi fyrir framan sjónvarpið, tilbúin fyrir Sex and the city. En svo bara var ekkert Sex and the city! � staðinn var Ali G. Sem var reyndar ágætisskaðabót því þetta var ansi fyndinn þáttur. En mér til mikillar ánægju var endursýndur þáttur af Sex and the city á eftir Ali svo þar með bjargaðist kvöldið! Það er sko enginn fimmtudagur með fimmtudögum nema það sé Sex and the city. Vá, Núna er ég búin að segja Sex and the city 5 sinnum í 7 línum svo ég held ég hætti bara núna.

Jólaball MR er 17. desember á NASA. Úff...það verður sko gaman. En ég nenni samt eiginlega ekki að bíða þangað til.
Ef einhver veit um eitthvað skemmtilegt sem er að gerast í kvöld þá mann sá hinn sami endilega láta mig vita! Eitthvað annað en skautaferð Skólafélagsins.

Auf Wiedersehen, ein schönes Wochenende....

� föstudaginn í hádeginu var ég að vinna í Kakólandi í MR með Arngunni og Arnari. Það var hin mesta skemmtun. Við afgreiddum fullt af fólki, gáfum þeim, ostaslaufur og svala og kókómjólk og jógúrt og Powerade (!) og margt fleira. Ég var nú reyndar ansi stressuð þegar fólk ætlaði að borga með korti en ég lét bara strákana í Kakólands-ráðinu hjálpa mér svo það gekk upp. Ég þyrfti samt að fá einhverja þjálfun ef ég ætla að fara að vinna í búð! Eftir hádegishléið þurftum við svo að taka til Cösu og fengum því frí í stærðfræðitíma sem ég vona að komi ekki niður á mér í prófinu á morgun!

� laugardagskvöldið kom Soffía Dóra til mín. Við höfðum það bara voða rólegt. Hlustuðum á Radiohead og horfum á sjónvarpið og spjölluðum. Ansi kósý!
Dagurinn í dag er svo vægast sagt búinn að vera leiðinlegur, sökum stærðfræði. En nóg um það, ég ætla ekki að brjóta þessa síðu niður með svo leiðinlegu umræðuefni.
Svo ég kveð bara að sinni, góða nótt...

Var að koma heim eftir að hafa verið að spila á tónleikum úti á Nesi. Það var fínt, gekk vel. Er ekki alveg eins og ég á að mér að vera því ég fór í seinni kantinum að sofa og vaknaði snemma við það að Fríða kom þrisvar inn til mín með vasaljós að leita að einhverjum bol! Hef ekki hugmynd hvað ég ætla að gera í kvöld. Langar að gera eitthvað merkilegt en sjáum hvað gerist. Kannski bíó. Hver veit!

jæja þá er ég hættur að vera veikur. Nenni því ekki lengur. Þó það hafi verið gott að sofa fram eftir tvo auka daga held ég að ég geti ekki fundið mér eitthvað að gera sem ég er ekki búinn að gera nú þegar á meðan ég var vakandi.
Eyddi mestum mínum tíma í að horfa á sjónvarpið og flakka um internetið.
Eftir að hafa horft svona milljón sinnum á sömu tvær friends-spólurnar tékkaði ég á hvað væri að gerast á sjónvarpsstöðvunum. Skjáleikurinn á Rúv, stöð 2 og Sýn ruglaðar, tónlistarmyndbönd á Popptíví og Skjá 1 og Þinghlé á stöðinni sem sýnir beint frá Alþingi.
Þegar ég er veikur bregst það ekki að ég verð alveg heilaþveginn af einhverju lagi af PoppTíví.
Síðast þegar ég var veikur var það Dilemma með Nelly & Kelly sem átti hug minn allann en núna var það ekkert annað en nýjasta lagið með Cristínu Aqu.....eitthvað. Ég er búinn að horfa svo oft á það að ég held ég kunni smá í textanum! Sjitt!
Jæja, ég hélt áfram ferð minni um rásir sjónvarpsins og viti menn, ég fann Omega. Missti mig alveg við að horfa á hvern predikarann á fætur öðrum flytja boðskap sinn. Einn hafði hitt móður Teresu og var að tala um það, annar öskraði svo mikið að hann var orðinn raddlaus svo það skildist ekkert hvað hann sagði og þriðji var gamall karl sem var alltaf að bresta í grát. Svo voru fleiri þarna sem voru ekki eins minnisstæðir.
Þegar ég loksins fékk mig til að slökkva á sjónvarpinu ákvað ég að tékka á tölvunni.
Ráfaði um netið í leit að einhverju. Fann voða lítið annað en nokkur blogg sem ég las, fótboltasíðurnar tvær sem ég skoða oft og....já ekkert meira.
Jú fann svona könnun "Who are you" og ákvað að fylla hana út.
Merkti við allt skilmerkilega þó sumar spurningarnar hafi verið svoldið asnalegar og ýtti síðan á "see results"
Beið svo í nokkrar sekúndur og þá birtist "You are Marylin Manson!"
WHAT!!
Ég varð svoldið hræddur og ákvað að yfirfara krossana mína. Mér til mikils léttis komst ég að því að ég hafði merkt við á bandvitlausum stöðum sumsstaðar. Ég leiðrétti það hið snarasta og ýtti svo aftur á takkann. Þá er ég allt í einu orðinn Bob Marley. Var sáttari við það en samt asnaleg könnun svo ég gafst upp og fór og setti aðra friends-spóluna aftur í.
Jæja (í þriðja sinn), þá er ég að hugsa um að fara að sofa svo ég verði hress í skólanum á morgun. Gaman að sjá hvort mér tekst að vakna á réttum tíma.
Vona að ég verði ekki veikur aftur í bráð.
Góða nótt.

EGILL

Ekki fara út á svalir ef þið eruð bara í nærbuxum! Ég lamaðist næstum af kulda þegar ég gerði það.

EGILL

� gærkvöldi fór ég í partý til Kristjáns á Hraunteignum. Ég hélt að Jón væri að grínast þegar hann hringdi og sagði mér frá því, var ekki alveg að fatta partý á sunnudegi.
Allavega, við fórum og það var bara fínt. Bara svona frekar lítið. Smá upphitun fyrir Myrkramessu MK sem var í gær (þess vegna var partý á sunnudegi). Hitti fullt af fólki sem ég hef ekki séð lengi og fullt af fólki sem ég veit hver eru en þekki ekki neitt. Svo litu Fannsi og Anna aðeins við sem er alltaf gaman.
� kringum 11 fór svo fólk að tínast á ballið svo ég skutlaði Einsa og Jóni heim og svo sjálfum mér.
� dag er ég svo veikur heima.

EGILL

Edda

Úlala, þá er Muse miðasalan yfirstaðin. Ég er eiginlega alveg viss um að vera með miða. Vinur minn ætlaði að kaupa fyrir mig miða en ég hef ekkert heyrt í honum. En eins gott fyrir mig og hann að hann hafi fengið miða, annars fá sumir(Maggi) að kenna á því. En ég hef samt ágætar heimildir því Laufey var fyrir aftan hann í röðinni og sá hann kaupa 5 miða. Svo einn þeirra ætti að vera minn! Vá, hvað ég hlakka til. Þetta verður ofsalegt.
Eftir skóla fór ég með Arngunni uppá skrifstofu þar sem hún talaði við Rektor um að skipta yfir á málabraut. Þetta er það sorglegasta sem ég hef tekið mér fyrir hendur í dag. Sem sagt, hún ætlar að yfirgefa mig eftir jól. Ég veit ekki hvað ég geri. Þetta verður hræðilegt. Vá hvað mér á eftir að leiðast í tímum. Enginn til þess að hlæja með mér og fara í hengimann og skrifa gullkorn og teikna á blaðsíðuna okkar tileinkaða leiðinlegum kennslustundum og líta pirraðar á hvor aðra þegar Þorvaldur eða Eyþór segja eitthvað asnalegt. Arngunnur, ég ætla bara að láta þig vita að ég á eftir að sakna þín og ég veit að strákarnir eiga eftir að sakna þín líka.

Bless og góða helgi.