Eftir skólann í dag fór ég upp í Dogma þar sem ég keypti mér miða á tónleika sem haldnir verða á morgun til styrktar BUGL (barna- og unglingageðdeild Landspítalans). Hljómsveitirnar sem stíga á stokk eru Dáðadrengir, Amos, Búdrýgindi, Coral, Bertel, Lokbrá, Doctuz, Kimono og einhverjar sem ég man ekki í augnablikinu. Það kostar 800 kall og tónleikarnir eru haldnir í félagsheimilnu á Seltjarnarnesi. Endilega allir að skella sér. Svo minni ég alla á battlið í Norðurkjallaranum á föstudaginn. Vá, bara allt að gerast.
Eftir miðakaupin fór ég svo aftur niður í MR og beið þess að sjá bekkinn minn deyja í ræðukeppni. Og hann dó. Ekki gott mál.
Soffa kom svo til mín þegar heim kom. Við gerðum mest lítið

Bless, Edda

Ég fékk alveg frábæran tölvupóst frá Kvennó í gær:
"� grímudansleiknum í gær var grænleitur jakki í stærð S tekinn í misgripum. Samskonar jakki nr. XL var eftir og er á skrifstofunni á Fríkirkjuvegi. Sá/sú sem kannast við þetta mál er beðinn um að hafa samband við Villu eða Dísu á skrifstofunni sem fyrst. Kveðja Villa"

Ég get ekki ímyndað mér að alsgáð manneskja hafi óvart tekið Small jakka í misgripum fyrir eins Extra-Large. Hún hefur að minnsta kosti ekki mátað hann áður en hún fór.

"Humm.....ég er nokkuð viss um að ég kom ekki í stuttermajakka. Og síðast þegar ég fór í hann náði hann mér alveg örugglega niður fyrir bringu!"
"Djöfullinn, af hverju slitna tölurnar alltaf af þegar ég reyni að hneppa. Ég hef nú ekki fitnað svona mikið"
"Æ fokk it, þetta hlýtur samt að vera jakkinn minn"
:)

EGILL

Körfubolti er hættuleg íþrótt!
� fimmtudaginn í leikfimitímanum byrjuðum við á körfubolta. Þrír á móti þremur og gekk bara alveg glimrandi vel og ég raðaði alveg niður 3. stiga körfum. Var minna í troðslunum af nokkuð augljósri ástæðu. ;)
Svo í einni sókninni hljóp ég á móti varnarmanninum. Hann baðaði út öllum öngum og náði að dangla boltanum af mér.
Boltinn skýst framan í mig og eins og þeir sem hafa eitthvað vit á íþróttum vita eru almennilegir körfuboltar harðir.
Þessi var bara mjög almennilegur.
Allavega byrjaði að fossblæða úr nefinu á mér og hendurnar á mér voru orðnar eins og á slátrara; blóð upp að olnbogum af að þurrka mér áður en ég loksins fann tissjú.
Svo fór ég inn í klefa og leit í spegil og leit bara eiginlega nákvæmlega út eins og þessi.
Það tók svo alveg 10 mínútur að fá þetta til að stoppa og svo skellti ég mér í fótbolta það sem eftir var af tímanum.
Ég finn samt ennþá til í nefinu þegar það kemur við eitthvað og varirnar á mér sprungu báðar. Varið ykkur.
Körfubolti er hættuleg íþrótt!

Um kvöldið var svo grímball Kvennaskólans haldið út á nesi.
Ég skellti mér á undan í fyrirpartý sem voru bara alveg frábær. Svo var haldið á ballið og það var bara mjög skemmtilegt líka þó strákurinn í Busted-búningnum hafi ekki unnið "Besti búningurinn-verðlaunin"
Það eru allir að tala um að það hafi verið alveg extra mikil ölvun þarna. Ég varð bara alls ekkert var við hana. Sá ekki eina einustu ælu alt kvöldið og allir með meðvitund.
Eftir ballið hringdi ég svo í Magginga og hann pikkaði mig upp og reddaði mér ókeypis pylsutilboði í Skara og skutlaði mér heim. Alveg frábært.

� föstudaginn drattaðist ég svo í skólann í mína tvo tíma. Klukkan 4 fór ég svo í fótbolta upp í Réttó og svo heim að horfa á handboltann. Gafst samt upp á því fljótlega því �sland var bara alls ekkert að spila vel og ég nennti ekki að horfa upp á þá tapa aftur.
� kringum miðnætti fékk ég Magga svo með mér niður í bæ þar sem við tékkuðum á Dixielanddvergunum. Þeir voru bara nokkuð góðir.

� dag var svo bara vaknað um hádegi og slappað af þangað til 5. Þá var lagt af stað til Svenna þar sem hann, Kári, Hössi og ég horfðum á Liverpool-Newcastle. Hann var hin fínasta skemmtun frá upphafi til enda. Samt aðallega frá upphafi þar sem staðan var orðin 1-1 eftir
4 mínútur. Sigurmark Liverpool kom svo á 61. mínútu og leikurinn fór 2-1.

Nú nenni ég ekki að skrifa meira og þið nennið örugglega ekki að lesa meira. Þetta er orðið alltof langt eins og venjulega.
Góða nótt.

EGILL

� gær var söngvakeppni MR haldin og svo var ball eftir á. Söngvakeppnin var skemmtileg. Gaman að sjá þessi atriði og ég var mjög sátt með atriðið sem vann. � milli söngvakeppninnar og ballsins skellti ég mér á Fimmtudagsforleik í Hinu húsinu með stelpunum. Það var skemmtilegt en svo fórum við bara á ballið svona um ellefu. Ballið var fínt fyrir utan leiðinlega DJ-a sem voru ekki að standa sig. En árshátíðin er eftir um það bil þrjár vikur svo ég þarf ekki að örvænta.

Skólinn í dag var fínn líka. Fór í þýsku og lærði að segja "tyggjó" sem vakti mikla kátínu hjá mér og Kára, bekkjarbróður mínum. Eftir skóla fór ég svo aðeins í Skífuna með Fannari, hitti svo Soffu og Laufeyju og tók með þeim strætó heim.
Dagskrá helgarinnar alveg óráðin.

Bless, Edda

Edda

Helgin mín er búin að vera góð. � föstudaginn fór ég til Kára, borðaði þar kvöldmat og fór svo í Idol party til Soffíu Dóru seinna um kvöldið. Þar voru T-stelpurnar (svo ég hætti nú aldrei að kalla þær það) og ég, Soffa, Laufey og Þóra.
� laugardaginn fór ég í Kringluna með Arngunni og Laufeyju. Við vorum að leita að afmælisgjöf handa �gústu og enduðum á því að kaupa S-K-Y-T-T-U-R (maður á að syngja með), nýja diskinn.
Um kvöldið lá leið mín fyrst í matarboð og þaðan skutluðu Jóhanna og Kári mér í afmælisparty til �gústu. Þar var mikið af fólki í ýmiss konar ástandi og allir mjög hressir.
Dagurinn í dag verður svo tileinkaður stærðfræðinni því það er próf á morgun.

Bless bless

Halló halló!

Þá er Idolið loksins búið. Þetta var alveg endalaust langur þáttur og ég held ég sé bara orðinn ruglaður af að horfa svona lengi á hann ruglaðan. Annars var mér alveg sama hver....vindi svo ég var ekkert yfir mig stressaður eða spenntur.

� síðustu viku tók sjónvarpið mitt síðan upp á því að breytast í útvarp.
Ég lá í mestu makindum að horfa á það þegar allt í einu heyrist svona "zmúmm" og allt verður svart. Hljóðið hélt samt áfram og ég hélt bara að einhver hefði labbað á snúru í myndverinu og kippt myndavélinni úr sambandi svo ég skipti bara um stöð.
En allar hinar stöðvarnar voru eins! Þá prófaði ég að slökkva á því og kveikja aftur en það virkaði ekki heldur svo ég tók það bara úr sambandi og hef ekki reynt að kveikja á því síðan.
Það kom reyndar inn til mín úr stofunni vegna þess að það var alltaf að bila. Ef við vildum horfa á sjónvarpið þurfti alltaf einhver að taka að sér að standa við kassann og lemja reglulega duglega í hann því myndin var alltaf að breyta um lit og allt varð grænt!
Síðan það kom inn til mín hefur það hins vegar ekki bilað neitt. Það hefur reyndar stundum snarkað í því þegar ég ýti á rofann í svona 2-3 mánuði en það hættir alltaf ef ég ýti aftur.
En nú er það dautt og verður örugglega bara hent eftir þessi rúmlega 20 ár á heimilinu. :(

Síðan er...kannski ekki gaman að segja frá en allavega í frásögu færandi(hvað er frásaga?) að ég er búinn að mæta samtals korter niður í skóla á síðustu tveimur dögum.
Svona var stundataflan mín á fimmtudaginn:
GAT
SOFA YFIR SIG
SOFA YFIR SIG
GAT
FRANSKA(fengum að fara eftir korter af því að sonur hennar var veikur heima)

Og svona var dagurinn í dag:
SOFA YFIR SIG
GAT
FR� � FRÖNSKU(af sömu ástæðu og á fimmtudeginum)
FR� � L�FFRÆ�I(af því allir voru búnir með verkefni úr 3. kafla)
FR� � Þ�SKU(af því að við vorum búin að vera í gati frá því klukkan 9)

Kári og Svenni litu svo við hérna rétt áðan á leiðinni úr �rbænum og voru að fara.
Ég bauðst til að keyra Svenna heim en svo leit ég út um gluggann og sá ekki dekkin á bílnum fyrir snjó og sá fram á að þurfa að leggja uppi í tré þegar ég kæmi aftur heim svo ég hætti við.
Þegar ég lokaði hurðinni svo á eftir þeim þurfti ég að grafa heilmikinn snjó frá henni því það var svo mikill snjór í falsinu að hurðin vildi ekki lokast. Það tókst samt loksins og nú er ég bara að hugsa um að fara að sofa.

EGILL

Síðustu dagar í lífi mínu hafa verið ágætir en með eindæmum óvenjulegir. Förum ekki nánar út í það.
Skólinn í dag var fínn. � útileikfimi fengum við Gugga okkur göngutúr upp í Kvennó og heilsuðum upp á stelpurnar. Reyndar voru þær í tíma þegar við komum svo við fórum niður í Ráðhús og skoðuðum túristabæklinga. � þeim voru fullt af myndum frá Reykjavík að sumarlagi og ég sakna þess svo; sumarsins. Þá er nóttin löng og gott veður (betra en núna allavegana) og maður er svo frjáls og getur klætt sig eins og maður vill.
Við löbbuðum svo aftur upp í Kvennó og hittum Siggu Gyðu (sem ætlaði að kafna af ánægju við að sjá okkur), Signýju og Steinvöru. Þær voru hressar að vanda. Ég sá líka inn um gluggann hjá Agli en hann var svo djúpt sokkinn í þýskuna svo ég náði engu sambandi við hann.
Fattaði svo að við vorum orðnar of seinar í tíma svo við skelltum okkur aftur upp í MR þar sem ég mætti of seint í dönsku sem er í rauninni orðinn ávani hjá mér upp á síðkastið.
Já eins og ég sagði, fínn dagur.
EDDA

Bara að láta ykkur vita að ef ykkur langar í mjög góðar samlokur, jafnvel þriggja hæða (þrílokur).
Þá mæli ég með að þið hafið samband við Eddu og fáið hana til að hjálpa ykkur.
Þær eru sjúkt góðar!


EGILL

Hóhó!
� fyrradag var ég búinn að ákveða að taka mig virkilega á í skólanum en svo var bara alveg ógeðslega leiðinlegt í honum í gær að ég er eiginlega hættur við! Dagurinn í dag var samt mun skárri svo ég veit ekki alveg.

� dag þegar ég var á leiðinni í skólann aftur um hádegi(ég svaf ekki yfir mig) labbaði ég fram hjá tjörninni. Mér var litið á nokkrar gæsir og sá að tvær þeirra voru eitthvað að böggast í annari, svona reka hana frá sér með goggunum og vængjablaki. Ég var svoldið tímabundinn svo ég hélt bara áfram og fór í 3 tíma. Svo klukkan hálf fjögur á leiðinni heim labba ég aftur fram hjá tjörninni. Allt í einu tekur svo stelpan sem var að labba á undan mér viðbragð og hleypur alveg á milljón í burtu. Ég hélt að hún hefði bara stigið í andakúk og orðið svona um og ó. Svo kem ég þangað og sé engan kúk. Svo lít ég aðeins til hægri og hvað sé ég?!
Liggur ekki bara ein gæsin á hliðinni, öll ýfð, blóðug og STEINDAU�!!!
Ég sá að munn við gogg aðferðin mundi gagnast lítið svo ég hélt áfram. Var samt að pæla í að hringja í 112 og segja þeim að það væri dauð gæs þarna en var ekki alveg viss hvort það flokkaðist undir neyðartilvik og þar sem ég kann ekki símanúmerið hjá borgarstarfsmönnunum sem pikka upp dauða fugla hélt ég bara áfram.
Ég var pínu hræddur þegar ég labbaði fram hjá öllum hinum gæsunum sem lágu allar langt í burtu og var alveg tilbúinn að hlaupa ef þær skildu ákveða að ráðast á mig líka. Mig langar svoldið að vita hvort þetta var sama gæsin og í hádeginu og hvort hinar hafa einfaldlega bara goggað hana til dauða eða hvort þetta var kannski bara eftir kött eða eitthvað svoleiðis.

Núna var ég svo að koma frá Svenna þar sem ég horfði á Liverpool-Tjélsí.
Þetta var frábær leikur í tveimur orðum sagt! Liverpool vann 0-1
Ég ætla að mæta stoltur í skærraðu Liverpool peysunni minni í skólann á morgun. Vona að ég verði bara ekki fyrir aðkasti.

Svo bara nýbúinn með nýtt lag og með hálsbólgu annars voða lítið að frétta.

EGILL

Góðan dag! Þá er ég loksins vaknaður.
Ég ætlaði að vera duglegur í morgun og stillti vekjaraklukkuna á 10, svona til að reyna að snúa sólarhringnum aftur við. Það virkaði ekki alveg. Vaknaði samt þá og var alveg vakandi í svona þrjú korter og hélt bara að þetta ætlaði að takast. En svo gafst ég bara upp slökkti á öllu draslinu og steinsvaf til Þrjú.

Núna var ég svo að ná í nýju stundatöfluna mína. Það eru smá breytingar frá því fyrir jól. Hættur í þremur fögum og kominn í þrjú ný í staðinn. Það eru: þýska og náttúrufræði og danska.
Ég veit ekkert hver kennir mér þýsku en ég vona svo innilega að það verði ekki konan sem segir alltaf "Ja" í tíma og ótíma og kenndi okkur í afleysingum í fyrra. Hún er alveg fáránlega pirrandi.
Veit heldur ekkert um náttúrfræðina. Bara enn eitt raungreina fagið sem ég fæ 4 á vorprófunum í býst ég við.
Danskan er líklega skást þar sem ég er bara ágætur í dönsku. Erla Elín kennir hana. Hún er ekkert spes en samt miklu skárri núna en hún var í fyrsta bekk. Mamma hennar og amma mín þekktust og amma og afi keyptu barnavagninn sem Erla var í af henni. Mér finnst það alltaf jafn fyndið því ég hugsa að pabbi og allir 3 bræður hans kæmust fyrir saman í barnavagni Erlu Elínar ef hún notaði hann núna. Hún er í alvöru með fellingar á ökklunum. Maður hefur ósjaldan þurft bókstaflega að þrýsta sér inní vegginn ef hún þarf að komast fram hjá manni.
Samt alveg ágæt og ágætur kennari. Bara að passa sig á að kalla konur ekki kellingar eða einhverjum öðrum miður fallegum nöfnum svo hún heyri og ekki víxla nafninu hennar(Elín Erla). Þá verður tíminn allt í lagi.

Byrja líka núna alltaf nema á fimmtudögum klukkan 8:10. Það er bara gott því að þá get ég verið samferða mömmu og pabba í skólann og þá eru minni líkur á að ég sofi yfir mig og þá batnar vonandi mætingareinkunin.


� jólafríinu er ég svo eiginlega bara búinn að gera ekki neitt nema sofa og fara í matarboð.
Guðmundur frændi er búinn að vera tíður gestur hérna líka og búinn að koma svo oft í heimsókn að nú er hann búinn að lofa að koma ekki aftur fyrr en í ágúst.
Svo var gamlársklöldið/nóttin alveg frábær líka.
En nú er bara skóli á morgun og ekkert alvöru frí fyrr en bara um páskana held ég. :(

Bless bless

EGILL

�ramótin mín voru mjög svo skemmtileg. Fyrst fór ég í gamlársboð til frænku minnar en þegar klukkan var komin vel yfir miðnætti fór ég til Helgu þar sem var mikið stuð. Ég tók með mér Kára, Egil, Guðmund Ingva frænda minn og Brynjar vin hans Kára og svo voru náttúrulega allar stelpurnar þarna og slatti af öðru fólki. Hjá Helgu voru Dáðadrengir settir í spilun í fyrsta sinn á árinu og ýmislegt annað brallað. Guðmundur Ingvi var bílstjórinn okkar þetta kvöldið og hann keyrði okkur heim um sex hálfsjö.

�ðan fór ég á Lord of the rings með henni Laufeyju. Það var bara magnað fyrir utan það að ég sá ekki neðsta hluta myndarinnar fyrir honum Benjamín sem sat fyrir framan mig. Laufey stakk upp á því í fyllstu alvöru að ég næði mér í svona barnasessu, en ég hélt nú síður. Svo vantaði mig líka tyggjó. En myndin var samt sem áður rosaleg eins og fólk nú kannski grunaði.

edda

Mikið er ég feginn að ég bjó ekki um rúmið mitt áðan þegar ég vaknaði. Þá get ég bara farið beint þangað núna! YES!

EGILL