Góða kvöldið! ( eða -n daginn. Fer eftir thví hvenær þid lesid þetta!)

Var ad bæta inn nokkrum linkum og laga nokkra gamla. Þad gekk bara eins og í sögu. Tók bara 5 mínútur.

En út í annað:
Dagurinn í dag var ansi viðburðaríkur.
Ég vaknaði óvenju snemma í morgun. Vaknaði klukkan 6 og gat bara ómögulega sofnað aftur svo ég fór fram úr og fékk mér að borða.

� meðan ég las innihaldslýsinguna á Cheeriosinu þar sem Mogginn var ekki kominn mundi ég allt í einu að ég var búinn með strætómiðana mína. Það þýddi að ég var annað hvort að labba eða hjóla. Ég ákvað að hjóla þar sem það er fljótlegra og lagði bara strax af stað til að vera tímanlega í skólann svona einu sinni.

Þegar ég var lagður af stað uppgvötvaði ég að ég var ekki með gleraugun mín. Ég nennti samt ekkert að snúa við því ég horfi hvort eð er ekkert á töfluna í skólanum.
Þegar ég var búinn að hjóla í svolítinn tíma í viðbót komst ég svo að því að ég var algjörlega viltur. Það var ennþá kolniðamyrkur og ég ekki með gleraugun plús það að snjórinn var alltaf að fjúka í augun á mér þannig að ég sá bara ekki neitt. Ég hélt samt ótrauður áfram og hugsaði að ég hlyti að finna skólann bráðum.

Eftir að ég hafði hjólað alveg endalaust lengi í viðbót fór svo loksins að birta og þá sá ég mér til skelfingar að ég var kominn upp í Hvalfjörð!
Það var auðvitað allt of langt þar sem Kvennó er niðri í miðbæ og ég sá að ég mundi aldrei komast þangað í tæka tíð svo ég fékk bara að hringja úr afgreiðslunni við göngin og boðaði forföll. Að því búnu lagði ég svo af stað heim aftur svo ég næði nú heim áður en það færi að dimma aftur.
Eftir langa og stranga ferð með viðkomu í næstum hverjum einasta skafli á leiðinni kom ég loksins heim alveg úrvinda af þreytu og hugsaði að nú yrði gott að fara í sjóðandi heita sturtu og svo beint upp í rúm aftur. Svo ég skellti mér úr blautu fötunum og ætlaði í sturtu. En vegna viðgerða í götunni var ekkert heitt vatn í húsinu. Það uppgvötvaði ég hins vegar ekki fyrr en ég skrúfaði frá heita og kalda krananum samtímis. Ég er viss um að hljóðbylgjurnar frá öskrinu sem ég gaf frá mér þegar ís-ís-ís-ískalda vatnið skall á mér sáust á jarðskjálftamælum um allt land.
Eftir þessa mjög svo stuttu og köldu sturtu hentist ég upp í rúm og var að þora fram úr aftur fyrst núna.
Held bara svei mér þá að þetta hafi bara verið með óvenjulegri dögum í lífi mínu.

EGILL

Það er alveg hreint ótrúlegt hvað það er alltaf gaman hjá mér í skólanum. Ég fatta það reyndar ekki alltaf þegar ég er í skólanum en þegar ég kem heim og lít yfir liðinn dag þá er alltaf eitthvað skemmtilegt sem setur svip sinn á daginn. � dag til dæmis hljóp ég út í Hallann með Laufeyju í hádegishléinu og keypti mér tyggjó. Þegar við héldum aftur upp í MR tókum við eftir Frímerkjabúðinni sem liggur á Laufásveginum. Að sjálfsögðu kíktum við þar inn og það varð hin mesta skemmtun. Þarna voru fullt af frímerkjum í poka sem hægt var að kaupa. � hverjum poka var sérstakt þema, eins og Afríka, leikarar, dýr, blóm og fleira. Þá kom upp sú hugmynd að það yrði örugglega mjög flott að veggfóðra herbergið sitt með frímerkjum.
Ég kíkti einnig í heimsókn til Thelmu Marínar og Arngunnar í 3-A en það hef ég ekki gert lengi og svo í leikfimitímanum fórum við í brennó sem við höfum ekki heldur gert lengi. Það er synd því það er svo gaman í brennó.


Kv. EDDA

Jalló jalló!!!

Vikan hjá mér byrjaði frekar rólega, var veikur heima á þriðju og-miðvikudag og gerði þar af leiðandi voða lítið annað en liggja upp í sófa aðallega að horfa á Friends, Survivor, Afríkumótið í knattspyrnu og eitthvað svigmót á Eurosport í sjónvarpinu.
Var nú samt ekki það veikur að ég næði ekki að klambra saman eitt stykki lagi svo þessir dagar voru nú ekki alveg ónýtir.

� fimmtudaginn mætti ég svo aftur hress og kátur í skólann og um kvöldið leit ég á BUGL-styrktartónleikana út á nesi. Það var bara alveg ágætt þó hljómsveitirnar hafi verið svolítið misjafnar.

� föstudagskvöldið skrapp ég svo til Jóns í tjillerí og horfði m.a. á glænýjan Friendsþátt og kastaði pílum í allar áttir.
Um 11 hentust við svo eftir Eddu upp í MH þar sem hún, Eminem og 50 cent voru að battla.
Edda vann víst.
Skutluðum henni svo heim og kíktum svo á Kaffi Kúltúr þar sem MH var með eitthvað
eftir-Gettu Betur bjórkvöld. Þar var frekar slöpp stemning (þeir töpuðu líka) svo eftir stutt stopp þar lá leið okkar upp á Hard Rock í Kringlunni þar sem Kvennó var með Karíókíkvöld.
Ég var alveg 5 mínútur að sannfæra dyravörðinn um að ég væri að sýna henni skilríkin mín, er með stutt hár og gleraugu á myndinni í ökuskírteinu mínu en mætti svo með síðara hár og linsur á Hard Rock. Svo lít ég ekki beint út fyrir að vera 4 mánuðum frá 19 ára afmælinu mínu.
Hún hleypti mér að lokum inn og það var bara hin fínasta stemning þarna.

� gærkvöldi héldum við Kári svo í bílskúrinn hjá Svenna þar sem við 3 + bróðir Svenna héldum okkar fyrstu hljómsveitaræfingu.
Svenni átti kvöldið, sleit 2 gítarstrengi við að spila �rafárslög!
Eftir æfinguna fór ég svo út á Eiðistorg á Rauðaljónið í 20 ára afmælið hans Þolla og þar var vægast sagt ærlega skvett eða slett úr klaufunum.

� dag fór fjölskyldan til Eyrúnar Fríðu frænku sem var að halda upp á 13 ára afmælið. Ég hélt hún væri bara 10 en það var leiðrétt áður en afmælissöngurinn var sunginn svo ég gat sungið hann villulaust.
Ég borðaði svo mikið þar að ég hef ekki borðað matarbita síðan klukkan 3 í dag og er ennþá saddur. Kannski maður fái sér nú samt eitthvað að borða fyrir svefninn svo maður fitni nú eitthvað. Mamma kallaði mig horrenglu í morgun þegar ég vaknaði. :)

EGILL