29. apríl í dag, mánuður í afmælið mitt!
Skólinn er bara að verða þolanlegri með hverjum deginum þó það sé stutt í prófin. � gær var alveg fáránlega gott veður og líffræðikennarinn sagði okkur bara að fara út og rannsaka hvort vorið væri ekki komið. Fórum bara í fótbolta í einn og hálfan tíma svo þetta var skemmtilegasti líffræði tími sem ég hef farið í á ævinni.
� dag er nú ekkert eins gott veður en maður er samt alveg í þvílíku sumarskapi eftir að Villa á skrifstofunni kom með heilann konfektkassa fyrir bekkinn áðan í tíma sem kláraðist á svona 2 mínútum þó við höfum bara verið 8 í tíma.
� morgun er svo dimmison sem er alltaf fín og lítið kennt þá svo þetta er bara alveg að verða búið.
Annars er kannski best að fara að leggja af stað í skólann aftur. Mæta snemma svo maður drífi upp stigann upp í A9 áður en franskan byrjar.

EGILL

Er Marissa í ruglinu, eða hvað?

Gleðilegt sumar!
� miðvikudaginn fór ég á kosningavöku hjá Kvennó. Himmi reitti af sér brandara í svona hálftíma- 3 korter og síðan voru úrslitin tilkynnt. Bara mjög sáttur við útkomuna. Ég útnefndi svo sjálfan mig formann minnstabekkjarráðs.
Eftir vökuna var haldið á Opus þar sem slett var úr klaufunum. Þegar líða fór á kvöldið. Röltum við nokkur upp á Kaffi Kúltúr þar sem við héldum áfram. Brutum líka glas í stórhættulegum glasaleik en sem betur fer sá það enginn. Skömmu síðar fórum við svo til Siggu sem var svo góð að gefa mér pizzu og sjónvarpsköku og síðan skutlaði �sgeir mér heim í kringum 6.
Það hefði mátt halda að það hefði svo verið frí hjá mér daginn eftir þar sem það var sumardagurinn fyrsti en nei, (helvítið) hún Erla Elín dönskukennari ákvað að hafa tíma í dönsku frá 9-13! Svo ég þurftu að rífa mig upp fyrir allar aldir og dröslast niðrí skóla og sitja inni á bókasafninu og horfa á góða veðrið út um gluggann. Beilaði reyndar klukkan 11 og fór með �su að gera frönskuverkefni.
Klukkan hálf 2 var ég svo kominn heim og eftir smá stopp rölti ég ásamt turtildúfunum niður í bæ þar sem við spókuðum okkur í sólinni.
� gærkvöldi hélt ég svo í Kópavoginn þar sem ég, Dóri og Þolli þurftum að gera líffræðifyrirlestur fyrir daginn í dag. Við erum tvisvar búnir að fá frest, áttum löngu að vera búnir svo þetta var alveg síðasti séns. Vorum ekki einu sinni búnir að finna efni. Enduðum á að skrifa allir nokkur orð á miða og svo drógum um hvað við ættum að gera. Skjalbökur urðu fyrir valinu og urðu ofar á listanum en meðal annars tær, saur og Mossi. Vorum langt fram á nótt að búa til fyrirlesturinn. Hringdum í Auði bekkjarsystur og fengum hana til að mæta með skjaldbökuna sína hann Albert í skólann svo við gætum sýnt hann. Því miður höfðum við ekki tíma til að redda okkur Turtlesbúningum.
� morgun vaknaði ég svo við að Þolli hringdi í mig og ég var í alvöru kominn upp í strætó 3 mínútum seinna. Rauk svo inn í skóla þar sem við fluttum fyrirlesturinn við góðar undirtektir. Albert vakti sérstaklega góða lukku.
Núna var ég svo að koma af Kill Bill sem var mjög góð.
Eins og kannski sést ef vel er að gáð er ég ekki búinn að sofa mikið síðan á þriðjudaginn svo ég ætla bara að fara að sofa.
Mikið að gera á morgun.

EGILL

Er sumarið komið, eða hvað? Nei, reyndar ekki, en það er ekki alllangt í það. Einungis nokkrir klukkutímar. Það er reyndar ekki þar með sagt að sólin skíni í heiði og fuglarnir syngi frá og með morgundeginum en maður getur allavegana sagt að það sé komið sumar. Sem er eitthvað sem ég hef beðið eftir óþreyjufull síðustu mánuðina. � dag var þá síðasti vetrardagur en veturinn lét þó ekki á sér kræla. Hvernig getur nokkur maður ekki verið hamingjusamur í svona veðri og blíðskap? Mér líður bara eins og í O.C, jah, eða kannski ekki alveg. En samt nokkuð nálægt því.
Það var enginn skóli í dag nema kannski einn tími ef tíma mætti kalla það. Ég mætti of seint í íslensku í morgun og þá sat Arnbjörn íslenskukennari með gítar bekkjarbróður míns í fanginu og spilaði ljúfa hljóma. Hann var voða rogginn og endaði á því að draga upp myndavél úr töskunni sinni og lét okkur taka nokkrar myndir af sér með gítarinn. Eftir það fórum við á heimasíðu Háskólans og kíktum á orð vikunnar en það er "afmæli." Svo fór Arnbjörn á �slendingabók og athugaði tengsl sín við nemendur og þjóþekkta menn eins og Helga Hóseasson. Svo var hringt út. Ég fylgdist þá með dimmossion og svo fórum við Soffía á Súfistann og hittum þar föngulegan hóp stúlkna sem við könnuðumst eitthvað við. Settumst hjá þeim og fengum okkur köku og vatn. Ég fór svo í skólakönnun þar sem ég gaf kennurunum einkunn og ummæli. Það var skemmtilegt.
Eftir "skóla" héngum við Kári inni þangað til mamma skipaði okkur að fara út í góða veðrið. Við hlýddum því.

Sumar á �slandi er frábært. Ef veðrið helst tiltölulega svipað og það var í dag verð ég ánægðasta manneskja landsins. Ég skil ekki hvað alla langar að flytja til útlanda því þeim finnst �sland svo leiðinlegt. Það er gaman að fara til útlanda en bara í frí. Ég væri alveg til í að búa úti í kannski eitt ár eða svo ef ég er að læra, en alls ekki flytja þangað. Mér finnst �sland gott.

Hæbbsilíhæ!
� morgun eru kosningar í Kvennó svo í hádeginu í dag kepptust frambjóðendur við að troða ýmsu góðgæti í alla sem áttu leið um matsalinn. Ég gerði mér nokkrar ferðir þangað og var að enda við að koma birgðunum mínum (3 pepsi og eitthvað Aloe Vera sull) fyrir í ísskápnum. Snakkið, ísinn, karamellurnar, vöfflurnar og restin af namminu kláraðist hins vegar strax.
Svo er bara að ákveða hvað maður ætlar að kjósa og dröslast í skólann fyrir hádegi á morgun og krossa við.

� fimmtudaginn fórum við Kári á fimmtudagsforleik hins hússins. Coral, Hljóðlæti og Lada Sport voru að spila. Allt mjög góðar hljómsveitir sem ég hef heyrt í áður. Coral voru mjög góðir og þéttir eins og venjulega. Hljóðlæti tekst alltaf að koma mér á óvart. Kannski ekki við öðru að búast ef ég miða við fyrsta skiptið sem ég sá þá þar sem þeir voru vægast sagt ekkert spes. Núna eru þeir svo orðnir alveg frábærir og ég hvet alla til að mæta næst þegar þeir spila. �msar óvæntar uppákomur og sprell gerðu flutninginn hjá þeim alveg stórskemmtilegan líka. Við nenntum svo ekki að hanga eftir Lödu Sport og fórum heim.

� föstudaginn var svo Peysufatadagurinn hjá 3. bekk í Kvennó. Ég ætlaði alltaf að vera fallinn áður en ég þyrfti að taka þátt í honum en það gekk ekki alveg eftir. Allir klæddir í Peysuföt og þjóðbúninga og dansað og sungið fram eftir degi. Byrjuðum á að fara í morgunmat í Ráðhúsið, síðan var farið í heimsókn til gamallar skólastýru, í Menntamálaráðuneytið, Kvennó, Kringluna, Versló, á Ingólfstorg og loks aftur í Kvennó þar sem við fengum vöfflur og kakó. Dönsuðum og sungum á öllum þessum stöðum. Ég leit út eins og umferðarskiltaálfurinn og ég ætla ekki að girða mig aftur í bráð en samt miklu skemmtilegra en ég bjóst við. Mjög gaman.
Um kvöldið var svo farið upp á Hlíðarenda(Valsheimilið) þar sem við fengum að borða og svo var slegið upp partýi eftir það fram á nótt.

� laugardag tjillaði ég svo með Magga Tromm

Síðan hefur ekkert merkilegt gert og ég þarf að fara að læra.

EGILL

Ég var ekki í góðu skapi áðan en svo hugsaði ég : "Hey, það er O.C. í kvöld," og núna líður mér mun betur.

EDDA

� dag er fimmtudagur og ég tók til. Annars geri ég það aldrei nema einstaka laugardag þegar ég nenni. Ég held að orsök fimmtudagstiltektarinnar sé sú að ég hafði bara ekkert að gera. Ég var búin að reyna að læra; það tókst ekki. Ég var búin að fara í Tetris og reyna að jafna stigahæsta leikmann; það tókst ekki. Svoo ég ákvað að taka til. Það var skemmtilegt. Ég er líka ánægð með það framtak mitt að opna fata"skápinn" minn og taka úr honum það sem ég er hætt að nota eða hef ekki notað lengi. Mér tókst að grafa upp einhverjar peysur og boli og ætla mér að gefa það einhverri hjálparstofnun. Nema Fríða vilji kannski fá þau.

� skólanum í dag held ég að ég hafi unnið mitt fyrsta samstarfsverkefni með stelpum. Það var mjöög góð tilbreyting. Við vorum saman í hóp allar stelpur bekkjarins sem mættar voru, þ.e.a.s þrjár. Sú síðasta er úti í útlöndum. Við vorum svo duglegar og það gekk svo vel. Og ég þurfti ekki að vera ritari. Örugglega líka í fyrsta sinn í vetur. Mér hefur ekki liðið svona duglegri lengi. Ég fékk bara flashback frá fyrri árum. En ég held ég sé eiginlega búin að gleyma hvernig það er að vera með stelpum í bekk. Mínar þrjár bekkjarsystur eru nefnilega ekki þær fyrirferðamestu, en samt frábærar.

Svo er hún Soffía Dóra Jóhannsdóttir komin með blogg sem hún er búin að lofa að vera massívt dugleg að stunda.

EDDA

Daddara!
Edda sagði mér að "blogga andskotinn hafi það" áðan svo ég ætla að gera það.
Ég ætlaði að blogga strax eftir Frakklandsferðina en það var nú alveg fyrir meira en 2 vikum svo ég er aðeins á eftir áætlun.
Ferðin var alveg frábær í alla staði kannski fyrir utan þegar var brotist inn á hótelið síðustu nóttina en það var samt alveg stemmning líka. Skoðuðum allt sem hægt var að skoða og löbbuðum örugglega samtals hátt í maraþon. Svo varð náttúrulega að kynna sér franska vínmenningu og syngja svoldið líka.

Sama dag og við komum heim komu svo Danir í Kvennó og hann Jon var á mínum vegum þessa viku sem þeir voru hérna. Hann reyndist vera bara alveg ágætis gaur. Þjáðist af flugþreytu alla vikuna sem var bara fínt, alltaf sofandi, og ef ekki þá var hann í túristaferðum með restinni af Dönunum eða að tala við mömmu og pabba svo ég þurfti lítið að hafa fyrir honum.

� laugardaginn eftir að þau fóru fór Frakklandshópurinn út að borða á Grillhúsið og svo heim til Silju í smá partý, skoða myndir og svona. Endaði svo í 4 manna partýi heima hjá Röggu ásamt Hrönn og Ragga þar sem við pöntuðum pizzu og kláruðum úr flöskum. Svo var rölt heim um 6 leytið.

Svo var bara venjulegt páskafrí með svefni, afslöppun og fleiru fram á miðvikudag. Þá hélt allur bekkurinn heim til hennar Röggu þ.e. alvöru heimili hennar sem er að Efri-Hvoli rétt fyrir utan Hvolfsvöll. Sáum kindur og hestastóð og svo var bara allsherjar drykkja fram undir morgun. Ég og Sigga Fríða rústuðum keppninni "Hver endist lengst án þess að fara að sofa" með yfirburðum. Gátum svo reyndar ekki sofnað sjálf þá því það var orðið svo bjart. Kom svo heim um hádegi daginn eftir.

� föstudaginn flaug ég svo til norður í Eyjafjörð þar sem fjölskyldan eyddi páskunum á Hjalteyri. Ég þarf ekki að hafa áhyggjur af að hafa borðað yfir mig af páskaeggjum. Ég byrjaði á því um morguninn á sunnudaginn og borðaði smá. Svo tók ég mér pásu og næst þegar ég sá það var ekkert eftir nema smá mylsna og næstum allt nammið búið. Svolítið grunsamlegt hvað mömmu fannst það fyndið. Held hún hafi borðað það allt. ;(

Svo er bara síðasti frídagurinn í dag og fóking skólinn á morgun. Ég skal reyna að blogga aðeins oftar, eða kannski bara á 2-3 vikna fresti. Sé til.

EGILL

Núna er ég búin að fara tvisvar sinnum í bíó á tveimur dögum. � sunnudaginn sá ég Starsky and Hutch og skemmti mér bara mjög vel yfir henni. Hins vegar fór ég í gær með henni Soffíu Dóru á Barbarian Invasion í Háskólabíói. Þetta var sko þokkalega leiðinleg mynd. Það gerðist ekki neitt alla myndina nema endirinn var skrýtinn og maður gat alveg hlegið inn á milli. Og svo var heldur ekkert hlé. Soffa fór út í miðri mynd, keypti sér hálsbrjóstsykur og spurði hvenær myndin væri eiginlega búin. Mér til mikillar ánægju var hún aðeins 99 mínútur svo það var ekki mikið eftir. Svo var ég líka orðin hálfbiluð á að hlusta á alla þessa frönsku.
Það sem mér finnst samt athyglisverðast er að þessi mynd er sögð "meistaraverk" og "algjör perla" og svo vann hún líka Óskarinn fyrir bestu erlendu myndina. Sumum finnst þessi mynd kannski góð en hún er bara svo leiðinleg. Ég hvet samt alla til að fara að sjá þessa mynd svo ég sjái hvort fleiri séu sammála mér.

Edda

Rosalega er ég ánægð með páskafríið. Það sem búið er af því hefur verið frábært og restin lofar góðu. Ég verð ein heima frá miðvikudegi til laugardags en fer þá upp í sumarbústað til Hjalteyrar og verð þar yfir páskahelgina.
� gær fórum við Soffa bæði í Kringluna og Laugaveginn og vorum orðnar frekar orkusognar eftir það. Ótrúlegt hvað maður verður þreyttur og dasaður inni í Kringlunni eða Smáralind. Soffa kom svo aftur til mín um kvöldið og við grófum upp Pottþétt 4 diskinn minn og spiluðum hann í tætlur. Við fórum svo með Hildi Helgu, Lenu og Helgu í afmæli á Jóni forseta hjá frænku hennar Hildar. Við skemmtum okkur þar með fullt af hressu, tvítugu fólki en svo tókum við Soffa bara leigubíl heim til hennar, settumst fyrir framan sjónvarpið og horfðum á Dude, where's my car. Kári kom til okkar þegar líða tók á myndina, við kláruðum hana og fórum svo heim.