hallóhallóhalló.
Langt síðan síðast svo ég ákvað að skrifa nokkur orð.
Bara búinn að vera að vinna og svona. Mjööög einhæf vinna. Bara að slá, raka, setja í poka og tæma poka. Hápunktar síðustu viku voru tvímælalaust þegar ég fékk hakkísakkbolta í nefið og fékk blóðnasir og kaldur bílaþvottur, annars bara verið að slá.
Dagurinn í dag var samt með þeim langskástu. Byrjaði daginn um leið og ég kom inn í bílinn sem við erum á í vinnunni á að henda ruslapokanum sem var búinn að vera að mygla fram í yfir helgina og röku hönskunum mínum líka frá því fyrir helgi aftur á kerru svo það væri líft í bílnum. Svo var haldið á leikskóla í vesturbænum þar sem við slóum. Litlu krakkarnir voru mjög hjálpsamir og hentu grasi út um allt til að gera okkur auðveldara að hirða upp eftir okkur. Einn strákurinn bauð okkur Halla verkstjóra svo í afmælið sitt og sagði að pabbi hans ætlaði að baka flugvélaköku. Fékk samt ekki nánari dagsetningu en að það væri í sumar svo ég vet ekki alveg.
Eftir leikskólann fórum við að hirða poka sem voru búnir að liggja úti síðan einhverntíman í síðustu viku. Þeir voru þungir, blautir og lyktuðu eins og ég veit ekki hvað. Namminamm. Sem betur fer nöppuðum við fótbolta á leikskólanum sem alveg bjargaði deginum. Alltaf tekin nokkur skot á milli hvers poka við mikinn fögnuð Halla verkstjóra sem er bara ein stór klukka og lítið fyrir að slóra. Símon vinnufélagi minn líkti pokunum skemmtilega við að halda á gamalli feitri konu.
Eftir hádegi fórum við svo að setja í poka við flugvöllinn og kenndum Sally, ítölsku stelpunni í vinnunni að eigin ósk að blóta og segja dónaleg orð á íslensku. Eftir tveggja tíma æfingar var hún búin að ná orðunum kjaftæði, fíflið þitt og rasssigg nokkuð vel en setningin "Má bjóða þér heim í freyðibað" var eitthvað að þvælast fyrir henni ásamt restinni af orðunum. Að sjálfsögðu var svo sparkað í boltann á meðan nýr poki var sóttur. Sally er ekki alveg búin að ná pantekki-reglunni svo hún þurfti oftast að rölta eftir nýjum. Það hjálpaði ekki einu sinni þó við skiptum yfir í ensku. Pant not er greinilega of flókið líka.
Svo var haldið heim eftir vinnudaginn og sofnað út á svölum eins og venjulega þegar það er gott veður.

EGILL

Mér líst svona líka ágætlega á hann Baldur �gústsson, forsetaframbjóðanda. Hann er feitur og drekkur ekki áfengi. Það er komin mynd af honum á ísskápinn okkar því mömmu fannst hann svo krúttlegur. Svo svipar honum einnig til jólasveins.

Edda

Laugardagurinn 19. júní og ég er í vinnuni. Ég er alein hérna í búðinni og skemmti mér konunglega við að verðmerkja, lesa Vogue og afgreiða fólk. Vigdís Finnbogadóttir kom hérna áðan og keypti batterí og bréfaklemmur. � dag er svo Alþjóðlegi kvennréttindadagurinn og í tilefni hans eru allir hvattir til að klæðast einhverju bleiku. Sjálf er ég í bláum bol en er þó með bleikan plasthring. Ég hef ekki séð eina manneskju í bleikum klæðum í dag. Annars hefur voða lítið á daga mína drifið undanfarið. Sautjándi júní var fínn. Fór niður í bæ með stelpunum og svo enduðum við hjá Siggu Gyðu. � gær var ég bara að vinna en fór svo til Guðrúnar Sóleyjar um kvöldið og hitti þar Arngunni, Höllu, Þobba og fleira fólk.

Eigið góða helgi, Edda.

Hæ, hó og jibbíjei!!!

Það var alveg merkilega skemmtilegt í vinnunni í dag. Það gerðist svo margt markvert. Límmiðavinkona mín kom rétt upp úr hádegi. Hún er átta ára og kemur alltaf reglulega og fjárfestir í límmiðum. Hún segist vera að kenna litlum stelpum að brjóta saman pappír (!) og gefur þeim svo límmiða í verðlaun. Hún er svo að fara að flytja til Danmerkur á morgun. Þegar hún yfirgaf búðina óskaði ég henni góðrar ferðar til Danmerkur og hún sagði: "Já, takk sömuleiðis." Þá varð ég kát.
Seinna um daginn var ég að verðmerkja eitthvað dót og kom ég þá ekki auga á litla könguló á borðinu. Ég þaut á lappir en tók mig svo taki og drap hana með heftara. Það var ógeð.
Dýrasögum er ekki lokið því þegar ég var að afgreiða unga stúlku kom ég auga á hamstur á búðarborðinu! Skiljanlega brá mér og spurði hana hvernig hún hefði eiginlega komið með hamsturinn með sér. "Bara í vasanum." sagði hún og svo kvöddumst við.
Aðalaðhlátursefni mitt var samt þegar litlir rauðhærðir tvíburar lögðu 2000 króna Turtles-kall á borðið, sögðust ætla að fá hann og réttu mér svo eina Evru.

Þetta var vinnudagurinn minn í hnotskurn,Edda

� gær

* seldi ég mitt fyrsta klámblað

* komst ég að því að "Stígvélaði kötturinn" heitir á ensku "Puss in Boots"

* hló ég mikið að Puss in Boots

* fór ég í afmæli til Sigríðar Gyðu og Hildar Helgu. Hobbsarabbsa má sjá myndir þaðan, jafnt góðar sem lélegar


Edda

Hæbbsa!

Nú er sumarið loksins komið hjá mér eftir að hafa þurft að taka endurtökupróf í líffræði. Það samt truflaði mig ekkert því mamma og pabbi voru ekki á landinu til að reka á eftir mér og alltof gott veður úti svo ég opnaði ekki bókina fyrr en kvöldið fyrir prófið, en hey, ég náði og það er það sem skiptir máli.

Svo er ég algjörlega búinn að snúa sólarhringnum við. Maður bara tímir ekki að fara að sofa það er svo gott veður úti á nóttinni. Ekkert betra en að sitji úti á svölum klukkan 5 á morgnanna og horfa á fuglana.
Svo TÓK ég mig líka TIL og TÓK TIL og sópaði um 6 leytið um daginn. Bara allt annað en að fara að sofa. Svo loksins þegar Mogginn er kominn í hús, strætó farinn að ganga og �sland í býtið byrjað þá drattast ég í rúmið. Er svo kominn á fætur um miðjan eftirmiðdaginn og sé eftir því að hafa ekki verið vakandi það sem liðið er af deginum því það var svo gott veður þá líka. Það hefur greinilega ekki verið nóg að sofa næstum frá sér skólann í vetur, maður þarf líka að sofa á sumrin.

Síðan fór ég á Harry Potter í gær. Fín mynd fyrir utan að Ron deyr! Hann dó ekkert í bókinni og ég hélt hann ætti að vera líka í næstu mynd. Kannski er það af því hann er rauðhærður.

En nú er ég að hugsa um að fara að sofa. Þarf að snúa sólarhringnum við aftur því ein leiðinlegasta vinna í heimi er að byrja í fyrramálið og maður verður að vera útsofinn í henni.

Blæbbs.
EGILL

Þá er ég byrjuð að vinna í Úlfarsfelli og er það hin fínasta vinna. Sel alls konar fólki alls konar dót. Gott bara að vera komin með vinnu.
Ég og Egill erum svo búin að vera ein heima í einhverja daga og einkennist það af skyndibitamat og chilli. Þegar ég kom heim úr vinnunni fengum við okkur pylsur við kertaljós því Agli tókst einhvern veginn að skemma eldhúsljósið okkar. Svo erum við líka búin að fylla uppþvottavélina af vatni sem vill bara ekki fara þaðan.
Ég tók mig líka til um daginn og þvoði þvott. Ég skipti þurrum þvottinum í þrjá hópa; Egill, Edda og Einsi, því Einsa tókst einhvern veginn að gleyma bolnum sínum hérna á laugardaginn eftir partýið. Hann er sem sagt nýþveginn hérna heima ef þig fýsir í að nálgast hann.


Edda