Ég er hermikráka en einnig flippari svo ég ákvað í tilefni dagsins að búa til Kviss jor frends próf sem finna má hér til hliðar.

Take it, or leave it.


Edda

Í líffræðitíma voru ég og Kári Hvatsa. að hlusta á i-podinn minn og þá hótaði kennarinn að klippa snúruna í sundur. Ég blótaði honum í hljóði.

Í gær fór ég til ömmu og afa og inni á baði sá ég andlitskrem sem heitir Pure Poison.

Edda

Flippaður fimmtudagur og árshátíð

Gærdagurinn var flipp eins og fimmtudögum sæmir. Árshátíðin setti svip sinn á daginn en samt ekki allan. Þó ég ætti frí var ég komin á fætur klukkan hálfátta og fór þá með Kára og Sveini í Árbæjarlaugina. Eftir sundið fór ég í morgunpartý til Arngunnar. Við borðuðum bakarísmat, spiluðum Party og co. og fórum í þokkalega flippaðan leik sem heitir Big booty! Ógeðslega skemmtilegur. Flipp samkomunnar var samt örugglega þegar Kári Hvatsa. kýldi klakaboxið hennar Arngunnar og braut það í spað. Ég tók strætó heim og gleymdi að fara út á stoppistöðinni minni. Kreisí flipp. Seinni partinn fór ég til Soffu þar sem við tókum okkur til saman og fórum svo út að borða, ég með mínum bekk og hún með sínum. Eyjólfur stærðfræðikennari kom með okkur út að borða. Ég reyndi að halda uppi málefnalegum samræðum svo ég fór að tala við hann um i-pod og spurði hvort hann horfði mikið á The O.C. Maroon 5 kom víst líka eitthvað við sögu þarna. Jú, jú, ég get alveg talað um eitthvað annað.
Eftir matinn var haldið í flippað partý hjá Ling. Við fórum í Sing Star þar sem mér tókst að ná Superstar í This Love með 8900 stig og svo fórum við að sjálfsögðu aftur í Big booty.
Ballið var skemmtilegt. Quarashi kúl.

Edda

Helgin búin og ansi stutt í árshátíðina góðu sem allir bíða í ofvæni eftir. Helgin er búin að vera mjög "girlie." Á föstudagskvöldið áttum við Soffa Dóra góðan kvolitítæm saman. Við fengum okkur kvöldmat á Eldsmiðjunni og löbbuðum síðan niður í bæ. Þar settumst við á Café Paris og sátum þar eitthvað fram eftir kvöldi. Laugardagurinn var menningarlegur. Ég og Kári fórum á tónleika hljómsveitar Tónlistarskóla Reykjavíkur í Neskirkju og fíluðum okkur vel í slitnu gallabuxunum okkar hliðina á menntasnobburum. Samt mjög skemmtilegt, hlustandi á Arngunni og Helgu Svölu. Um kvöldið fór ég til Thelmu Marínar þar sem ég, hún, Bergþóra og Brynja bjuggum okkur til pizzu sem ég bæ ðe vei brenndi mig á svo ég þurfti að vera með hendina í skál allt kvöldið og er núna með útbrot. Síðan komu Sigrún, Soffa og Hildur Helga til okkar og við átum nammi og horfðum á Sex and the city.

Mjög "girlie" eins og ég sagði.

Hér er þýska ljóðið hans Kára Hvatsa. sem hann samdi á síðastliðnum flippuðum fimmtudegi:

Die rote Zitrone meiner Schwester
war gestern auf meiner Speisekarte.
Ich habe sie gegessen,
als ich auf meinem fliegenden Teppich sass.

Og Fannar; ég hafði hugsað mér að geyma appelsínuna góðu um aldir alda, þangað til hún skryppi saman og myndi aldrei mygla. Það brást svo nú fæ ég ekki að eiga hana lengur. Mér þykir það sárt.

Flipp, jájájá!

Heljarinnar flippaður fimmtudagur! Skólinn var kúl. Í hádegishléinu gerðist nokkuð magnað sem erfitt er að lýsa hér. Þessi maður kom mikið við sögu. Svo samdi ég þýskt ljóð og lærði nýtt orð: Vergirni.

Die Maus ist faul
sie heisst nicht Paul
es tut mir Leid
Gesundheit.

Edda