Hvað á ó-ið í óveður að þýða? Í orðum eins og ógeðslegt, ótrúlegt og óréttlátt stendur ó-ið fyrir ekki. Er þá óveður ekki veður? Það er alveg jafn mikið veður og annað veður, það er bara verra veður en gott veður.

- - - - -

Í dag sat ég í strætóskýli í 45 mínútur. Bara sat. Síðan labbaði ég heim með náladofa í rassinum.

EGILL

Þórbergur Þórðarson og Guðbergur Bergsson eru töff nöfn. Sérstaklega ef þæu stefnir á að verða frægur.

Hins vegar finnst mér mjög hallærislegt að hafa nafn höfundar jafnstórt og titil bókar. Ég hélt alla vega alveg þangað til í dag að bókin héti "Skipið Stefán Máni" en ekki að hún héti "Skipið" og væri eftir Stefán Mána.

Asnalegt. Lífið er bara dálítið asnalegt stundum.

Mig langar margt en veikindi mín aftra mér frá því. Mig langar að taka til í herberginu mínu en þá verð ég svo þreytt. Mig langar í sturtu en þá fæ ég meiri eyrnaverk. Mig langar í skólann. Mig langar út. Mig langar að taka armbeygjur.

Þetta verður því miður að bíða betri tíma.

Ég horfði á Prestinn, djáknann og brúðgumann áðan. Hún er mjög fyndin. Hvet alla til að horfa á hana. Hún er svo stutt og skemmtileg.

Það er ekkert skemmtilegt í sjónvarpinu í kvöld. Jú, Sigtið. Það er skemmtilegt. Annars hélt ég að ég væri orðin frísk í gær og fór á James Bond, Casion Royale. Ótrúlega skemmtileg mynd. Hann Daniel Craig er svo góður. Hann er góður leikari og sjarmör og töffari. Mjög góð mynd, já, sem sagt.

Ég var að pæla, ætli maður geti allt ef maður bara æfir sig. Ég veit vel að karlar munu aldrei geta fætt barn þó þeir æfi sig, og allt svoleiðis sjitt, en ég er ekki að leita svona djúpt. Ég hef til dæmis fulla trú á því að ef ég æfi mig nóg þá geti ég fengið 10 á armbeygjuprófinu. Kannski eftir jól. Sumir eru rosa góðir að semja lög og ljóð og texta. Ætli ég gæti líka orðið góð í því? Ef ég bara æfi mig? Eða ætli ég geti orðið góð í ballett ef ég byrja að æfa núna, 19 ára gömul. Já, ég hef eiginlega fulla trú á þessu öllu. Maður þarf bara að hafa viljann og dálítinn tíma aflögu til að æfa sig.
Það væri ótrúlega gaman eftir MR að taka bara eitt ár í að rækta einhvern hæfileika. Til dæmis gæti ég byrjað að æfa ballett og lagt fulla stund á hann í dálítið langan tíma. Það væri nú gaman. Einnig gæti ég farið að læra ítölsku og talað hana reiprennandi eftir ár eða svo. Inn á milli tek ég svo armbeygjur og verð voða góð í þeim líka. Haha, þá mun ég líta kostulega út. Ballett og armbeygjur.

Fyrir þá sem ekki vita skipa strákarnir í bannernum hljómsveitina Athlete sem ég og Egill höldum mikið upp á.

Sjúklingurinn kveður.

Hvað er málið með...

...að allir séu að týna eyrnalokkunum sínum í MR?

...Bubba? Hann er bara svooo hallærislegur að ég skil ekki hvernig hann gat fengið þessa þokkadís til að vera með sér? Hann hlýtur að hafa mútað henni eða eitthvað? Ég sé alla vega ekki einn hlut sem gæti hugsanlega heillað mig við Bubba.

...Lagið/Lagleysuna sem hljómar svona "Oh, I wish I was a punk rocker with flowers in my hair..."? Það er svo leeeeiðinlegt.

Nú hef ég komið bitrum skoðunum á framfæri. Ég er kannski svona gagnrýnin vegna þess að ég er veik og hef ekki farið út úr húsi í þrjá daga en kannski ER Bubbi bara svona asnalegur og kannski ER þetta lag alveg glatað. Spurning?

Kv. Edda.

Jeei, mynd sem er ekki í neinu samhengi við færsluna!

Halló

Þegar ég þarf að læra geri ég eitthvað annað. Það er bjánalega lítið áhugavert í sjónvarpinu á daginn svo ég fer í tölvuna. Ég er búinn að klára Bubbles fjórum sinnum á tveimur dögum og kominn með mæspeis.
Ég fann smá ljóðstúf á netinu sem mér finnst mjög viðeigandi.
Ég veit ekkert hvaða bragarhætti það er í þó ég gerði það vafalaust ef ég læsi í staðinn fyrir að vera í tölvunni.

(Ég veit ekki hvað það heitir)

Tölvur eru tryllitæki
Töluvert til trafala.

Tilgangslitlir tímaþjófar.

(Ég veit ekki hver samdi þetta)


Ég er líka nokkuð viss um að það er lengra en það kemur alltaf error.

EGILL

Ég veit ég hef sagt þetta áður, en...

...hvað er fjandans málið með Bubba og þessi helvítis sólgleraugu?


Pælingar Eddu segja bless.