Mikið er nú gaman að fara í brúðkaup. Ég fór í eitt svoleiðis í gær. Ég klökkna mikið í brúðkaupum en græt sjaldnast því ég bít mig bara í innaverðar kinnarnar. Það heldur tárunum inni. Brúðkaupsveislan innihélt gífurlega góðan mat, Herbert Guðmundsson, Svaraðu kallinu, DJ Símon og mikinn dans við aðra fjölskyldumeðlimi. Já, og líka Baileys! Would you like some Baileys? Eftir brullaupið fór ég með Kára, Þóru frænku og Guðmundi frænda niður í bæ. Stemmningin var ágæt en mikið um slagsmál og glerbrot. Við enduðum kvöldið á Bæjarins bestu og röltum svo heim í góða veðrinu og nætursólinni.
Eftir viku held ég til Spánar, nánar tiltekið Calpe. Ég hlakka til að fara aftur í sólina og hitann og fríið. Uppi eru hugmyndir hjá okkur Kára að fara einn dag til Valencia sem væri gaman þar sem ég hef ekki úthald í að liggja í sólbaði alla daga. Ég tók kvótann minn út á Marmaris.

Kv. Edda.

Þá er unaðsleg Rómarferð að baki. Ég kom nokkrum flíkum, 9 bitum, reynslunni og frábærri upplifun ríkari heim. Við gengum mikið, skoðuðum mikið og svitnuðum mikið. Hitinn var um þrjátíu stig allan tímann og alltaf skínandi sólin. Það var nú notalegt. Róm er falleg borg. Það er merkilegt að labba um miðbæinn og nágrenni og gríðarstórar, merkilegar byggingar blasa við alls staðar. Sumir sáu Justin Timberlake í Vatikansafninu. Ekki ég, en ég gerði mitt besta. Beið hans fyrir utan safnið en hann lét ekkert sjá sig, helvítið á honum! Skemmtilegast fannst mér síðasta kvöldið. Við fórum í sætt hverfi handan Tíber, settumst á huggulegan skemmtistað og drukkum kokteila. Við urðum góðir vinir barþjónanna og endaði kvöldið á því að við fengum að stinga I-podnum hennar Arngunnar í græjur staðarins og svo dönsuðum við í gleðivímu, eða alla vega ég. Hreinn unaður.

Bitin mín níu voru skemmtileg og tóku ég og fleiri sérstöku ástfóstri við eitt þeirra. Það fékk viðurnefnið Sepinn eða Kýlið. En bara svo allir hafi það á hreinu sem voru farnir að hafa áhyggjur af sambúð okkar þá fór ég til læknis og hann sprengdi Sepa. Nú hef ég plástur í stað kýlis.

Ég er að vinna í því að setja myndir inn á netið. Á ekki mikið eftir.

Ciao, kæru vinir.
Kv. Kjeppz.

Gærkvöldið var pakkað; vinna til ellefu og svo tvö afmæli. Þau voru bæði mjög skemmtileg. Dýrindisveigar og almenn gleði. Í veislunni hennar Hildar tókum við upp á því að kveða vísur. Hér er ein, fyrri part á Arngunnur og seinni part á Jón.

Ég er lítið ígulker,
og ég elska Eddu.
Ég get stundum verið sver,
oftast út af greddu.

Já, góð vísa. Ég mæli með vísugerð í partýjum.

Nú hef ég klárað Sunnudagsklúbb heimspekinganna og er byrjuð að lesa Veröld Soffíu. Hún byrjar líka vel. Það er svo ljómandi gott að lesa sér til ánægju.

Á þriðjudaginn hef ég svo hugsað mér að skella mér aðeins til Rómar. Mikið hlakka ég til að komast í hlýju og sól og fornar rústir. Og kannski nokkrar búðir líka.

Kv. Edda.