Fyrsta helgi ágústmánaðar er liðin. Hún leið hratt eins og sumarið í heild en var engu að síður mjög skemmtileg. Það er skuggalegt hvað þetta sumar er búið að líða hratt og ég er ekki búin að ná að gera neitt, finnst mér. það er búið að vera mjög skemmtilegt, en ekkert eitt sem stendur upp úr. Kannski breytist það eftir næstu viku en þá fer ég til Berlínar með Kára sem ætti ekki að vera leiðinlegt.
En þessi helgi var eðall, sérstaklega föstudagskvöldið. Fyrst átti ég góða stund hér heima með fögrum snótum en toppurinn var svo bærinn eftir á. Ég er með vænan marblett á upphandleggnum eftir slagsmál við Arngunni, mávur kúkaði á Kára og við hittum Ólaf F. borgarstjórann okkar góða og mæta sem lék á alls oddi og kallaði Helga Seljan rottu og drullu! Bestu myndir ever eru komnar á síðuna mína. Enginn ætti að láta þær fram hjá sér fara.

Kv. Edda.